日本在首場對比利時，表現令人眼前一亮，今場再對俄羅斯，施念慈（圖）認為勝券在握。
她表示：「日本隊上次對住比利時都和波，今次對俄羅斯，俄羅斯又唔係歐洲強隊，應該就唔係問題。中田英壽成日俾人圍，我諗佢今次都係會成為俾俄羅斯針對嘅對象；上一場中山雅史冇上到陣，唔知今次出唔出到賽呢？我自己就鍾意稻本潤一，覺得佢個樣幾得意，腳法又好，就算俾人圍都好勇敢。」
施念慈估計賽果是二比一，日本隊贏，她說：「日本隊嘅意志力同鬥志都好犀利，就算落後緊佢哋隊波都唔會散，而且都幾長氣，佢哋班球員平均年齡得二十六、七歲，所以體力好好，所以我認為佢哋會贏。」