【本報訊】蘇永康五月二十二日在紅磡體育館舉行其個人演唱會時，當晚的表演嘉賓就是因「頂包案」被廉政公署以串謀妨礙司法公正罪名起訴的謝霆鋒，當晚謝霆鋒一出場便稱蘇永康為「阿公」，原因是蘇永康除年紀比較大之外，平日大家去卡拉OK消遣，蘇永康經常會勸他早些回家睡覺。謝霆鋒說：「有時佢知我第二朝要八點開工，即使大家重唱緊歌、飲緊酒，佢都會走嚟話『阿仔，早啲返去瞓啦，聽朝開工呀』，佢教我嘅說話，我全部都記得。」
蘇永康亦向謝霆鋒說：「唔好飲嘞。」並語重心長地對他說：「你呢幾年成績好好，希望你繼續做落去，同埋乖啲啦！同我做得朋友嘅人都係好人，但你可以再乖啲。」想不到昨日蘇永康自己卻因為涉嫌藏有搖頭丸而被台灣警方拘捕。