「太太過咗身後，可能我受咗太大刺激，早排輕微中風，入院住咗成個月，啱啱先出院，𠵱家行路要用枴杖借力。」六十四歲的黎兆文神情落寞地說。
黎伯與三十八歲妻子伍玉霞同患精神分裂症，其妻兼患嚴重糖尿病，月前其妻感到喉嚨痛，數天後病情突然急轉直下，不久便病逝，醫生指其妻乃糖尿病引發併發症致死，遺下黎伯孤獨終老。
「我已經向房署申請調遷，希望搬近啲個女，等佢可以照顧吓我，𠵱家間屋剩番我一個太靜，好悶㗎。」黎伯歎道。
蘋果日報慈善基金迄今收到捐予黎伯的善款合共一萬九千六百九十元，黎伯打算用善款為亡妻購置骨灰位。「因為經濟問題，我一直冇辦法同太太買個骨灰位，佢嘅骨灰惟有暫時放喺屋企，𠵱家有筆善款，我就可以快啲幫佢搞埋骨灰位嘅嘢，真係好多謝善長喺我最困難嘅時候幫我。」依靠綜援金維生的黎伯感激地說。
捐款編號：C0470
暖流熱線
電話：29908688
傳真：23702192
電郵：
網址：