有間叫香港基因晶片開發（HKDNACHIPS）嘅公司好快喺創業板上市。大家可能奇怪八方點解特別提起呢間公司？因為佢股東背景特別，呢間公司係由于常海博士同家族成員全資擁有。于常海係乜水？就係《明報》舊老闆于品海個哥哥，間公司就係兩兄弟嘅傑作。
久違嘅于品海同八方講，阿哥Albert大佢四年，係典型學者、性格保守，由幼稚園開始就未離開過學校，𠵱家重係響北京大學及上海交通大學等做教授。于少俠話，前幾年佢見阿哥同人哋搞咗一檔應用生化技術的指紋鑑別（FingerPrint）生意，最後亂七八糟，加上自己又見到呢行大有可為，於是決定幫阿哥手發展生化項目。于少俠自己有乜搞作？佢同八方呻，話特首講要搞高科技，但政策就冇跟上，佢當年唔做收費電視，就係因為香港冇基建、光纖亂鋪……講到傳媒，佢就話等遲吓先講，總之，當前就係要搞好呢檔「家族生意」!
（圖）于常海同于品海唔係好似樣。梁鑑章攝
傳真︰2623-9278
電郵︰