向世盃球星偷師「活學活用」
青少年足球挑戰盃荃灣小將誓摘錦標

決賽今日爆發！講嘅唔係世界盃決賽，而係Nike全港青少年足球挑戰盃決賽。荃灣隊將面對西貢隊，荃灣隊近期積極加操，主力球員更向世界盃球星「偷師」，希望在決賽大派用場。
圖?文：盧漢傑

梁德俊（門將）
「楢崎正剛對比利時一場，憑超強反應飛身撲出對手華希恩的頭槌，表現可圈可點；如果有佢咁嘅身手，決賽一定冇有怕。」
挑戰盃決賽點睇：只要我們保持團結精神，一定可以贏。
「偷師球星」楢崎正剛（日本）

許偉生（後衞）
「高利雖然冇乜人識，但佢咁勁，頭槌好包波準，鬥志十足；將法國的亨利盯到冇晒符，身為清道夫的我一定要學到佢咁。」
挑戰盃決賽點睇：我們會先求穩守，伺機突擊擊敗對手。
「偷師球星」高利（塞內加爾）

鄒嘉豪（中場）
「意大利勝厄瓜多爾嗰場，托迪不但交個靚波畀韋利射入，重射咗幾腳超勁遠射，是攻擊中場的表表者。」
挑戰盃決賽點睇：我們在準決賽驚濤駭浪下淘汰北區，士氣可謂大振。
「偷師球星」托迪（意大利）

鍾祖耀（前鋒）
「朗拿度雖然剛剛傷愈，但對土耳其所射入一球功架十足，我希望決賽好似佢咁，為球隊射入關鍵入球。」
挑戰盃決賽點睇：我們如果能把握一次機會先開紀錄，勝算就好大。
「偷師球星」朗拿度（巴西）

Nike全港青少年足球挑戰盃決賽
邊度踢：旺角足球場
幾時踢：6月8日（星期六）下午2:30