英皇娛樂女子組合Twins，噚日少有咁端莊打扮，原來係同特首董建華夫人一齊喺禮賓府，出席「第四屆香港傑出少年選舉」頒獎禮。Twins重以「傑少選舉之星」身份同應屆「香港傑出少年選舉」得獎者一齊上台聯合宣誓；喺台上面，Twins呼籲學生們要好好用心讀書。
當Twins同董太喺禮賓府門前合照時，佢哋兩個好似學生同老師合照一樣，企得好端正。Twins重話噚日首次見董太，所以打扮得咁斯文：「我哋係想尊重個場合……見到啲傑出少年佢哋好叻，我哋好慚愧，唔知大會點解會搵我哋。」Twins成員之一嘅鍾欣桐話：「好彩我有師妹做代表。」鍾欣桐當年就讀九龍真光中學。
傳真︰2623-9278
電郵︰