譚小環、張文慈及名模Rosemary昨天出席Clarins新店開幕，現場所見，Clarins副總裁攬着譚小環與張文慈纖腰不放，十分熱情。事後張文慈急急腳離開，而譚小環則大表尷尬。
護膚品牌Clarins中環店昨日開幕，隨後假CafeLandmark舉行茶敍，出席嘉賓包括譚小環、張文慈、黃泆潼及Rosemary等。由法國抵港的Clarins副總裁OlivierCourtin-Clarins對譚小環及張文慈特別熱情，影大合照時更攬着兩人纖腰不放，令兩人大感尷尬。
譚小環事後接受訪問時說：「頭先真係好尷尬，個總裁好熱情，佢重問我係咪第一次識法國男人，覺得法國人係咪真係好浪漫，佢重話今次嚟香港係為咗我，我都唔知點答佢至好。」
問小環是否抗拒與外國人拍拖？她即時大聲說：「我係支持中國隊㗎，拍拖就更加啦，都係同聲同氣好啲。」
而范姜昨日再度否認懷孕傳聞，她說：「我重後生，想玩多幾年先，我想等豬年（2007年）先生，生個豬女就最好啦，嘉湄（鍾鎮濤女兒）都係豬女嚟㗎。」而有法國血統的Rosemary對於法國隊與烏拉圭和波，令晉身十六強形勢危殆，她憤怒地說：「簡直係恥辱，上屆係冠軍，今次竟然踢成咁，真係令人失望。」
採訪：林妙萍
攝影：仇志德