中國首場賽事輸給哥斯達黎加，今場對巴西，論實力，確實有一段距離。吳文忻（圖）說：「中國對住巴西，一定輸梗，但身為中國人當然要支持自己國家嘅足球隊，所以如果一定要揀嘅話，都幾矛盾，其實中國隊傳波同控波都幾好，但啲前鋒就唔得，太保守唔敢去，成日將個波傳來傳去，拖慢晒啲節奏；但唔緊要啦，今次中國隊可以入到世界盃決賽周已經係贏咗，當攞多啲經驗囉，輸少就當贏嘅啦！」
問吳文忻對哪一個中國隊球員最有印象。
她笑說：「其實佢哋嘅龍門江津都幾靚仔嘅！」
賽果方面，吳文忻認為至少巴西可以入三至四球，她說：「我估巴西入三、四球一定冇走雞，中國隊輸梗，最大問題係中國隊唔識入波，所以賽果起碼都三比○，中國隊輸。」