謝霆鋒被控串謀妨礙司法公正，昨日正式提堂，一班圈中人對此事都十分關注，並希望霆鋒早日回復正常生活。
周麗淇 ：我會支持謝霆鋒，好多朋友都為佢擔心，希望件事對佢唔會有好大影響啦。佢俾人撞親頭真係好黑喎，希望佢啲衰氣快啲過晒啦，咁慘俾人扑濕頭呀，真陰功。
Twins ：我哋唔清楚謝霆鋒件事，但係點都支持佢，希望時間可以沖淡一切。
洪天明 ：希望佢冇事啦，霆鋒今次事件可以引以為鑑，佢係公眾人物，凡事應該小心啲，睇住自己，希望佢經一事長一智。
歐陽震華 ：早幾日我去霆鋒屋企，都唔算係開派對，其實係拉姑（霆鋒母親狄波拉）話好耐冇見我，我咪買埋消夜一齊去。不過，嗰晚我哋個個都冇提呢件事，淨係一味打機同睇電視。
何韻詩 ：佢撞傷頭就當係破頭擋災，後生仔撼兩嘢冇問題。
大狀清洪契仔周英傑 ：我希望佢冇事，契爺都話對呢單case有信心。