洪欣幾年前同屋企人喺跑馬地開咗間生果舖，但係因為冇錢賺，所以最終被迫結業。洪欣吸取咗上次失敗嘅教訓，最近同舊同學Shirley合資六位數字，喺九龍鑽石山荷里活廣場開咗間「bobosCollection」時裝店，專賣佢哋公司自己設計嘅品牌，實行逆市創業。
洪欣間時裝店上月底試業，但今日就正式開幕。馮仁昭噚日專登落洪欣間舖頭睇吓，見佢親力親為摺衫同招呼客人，都幾落力。佢重話：「Shirley做開製衣業，佢好熟呢行，所以我哋真係好有信心。」
章小蕙經營時裝店咁成功，洪欣會唔會以佢做目標？洪欣話：「唔會，因為大家經營方針唔同，佢專賣高檔貨，但我哋以大眾化為主，薄利多銷。我哋重打算喺唔同嘅商場開連鎖店。」