賭王何鴻燊千金何超瓊前晚往灣仔君悅酒店，出席珠寶名牌VanCleef&Arpels晚宴。何超瓊表示除了收過父親送的珠寶外，從未收過其他男士送贈珠寶，更笑說不會隨便買珠寶，寧願將錢留來養老。
賭王何鴻燊千金何超瓊（Pansy）、阮偉文榮文蔚夫婦、郭鶴年媳婦郭由美子和台灣富婆王美雅等，前晚於灣仔君悅酒店齊出席名牌珠寶VanCleef&Arpels舉行的晚宴。
Pansy與阮偉文夫婦前晚於八時四十五分左右抵達君悅酒店，她表示亦有數件VanCleef&Arpels的珍藏，對於前晚大會展出的「CollectionoftheCentury」珠寶，Pansy大表欣賞，問她是否有興趣購買？Pansy笑說：「啲珠寶係好靚，但係啲錢留番嚟養老好過啦。」Pansy此言一出，莫非對感情沒有信心？她說：「係呀，我睇冇乜機會㗎啦，𠵱家嘅感情生活係零。」
問Pansy曾否收過男士送贈珠寶，例如前夫許晉亨及前男友楊其龍？Pansy說：「真係冇呀，如果有人買珠寶嚟𠱁我就真係唔錯呀，我咁大個女，淨係收過爹哋送嘅珠寶，另外就係我四歲生日時，收過媽咪送嘅紅寶石戒指做生日禮物，我到𠵱家重有keep住㗎。」
此外，Pansy胞妹何超儀主演的短片《太太》有份入圍今年康城電影節，Pansy表示知道此事，但卻未看過該短片。問Pansy《太太》是以諷刺上流社會眾生相為題材，Pansy說：「呢方面我唔方便評論，不過都係反映創作人嘅思維嘅啫，冇乜值得奇怪。」