有朋友問亞Mark，有甚麼抵買新車選擇，坐得全家五口子之餘，重要有番咁上下性能同設備。查實，𠵱家市面上嘅新車款，琳瑯滿目選擇多之外，普遍售價都好吸引；然而，近排綜觀咁多車款之中，亞Mark對部三菱Lancer1.8Touring卻情有獨鍾。皆因佢全車有齊大包圍同尾翼，賣相跟LancerEvo.Ⅶ最新部GT-A版好相似，甚有房跑車色彩之餘，佢嗰台1.8公升直4GDI偈（馬力130匹），匹配上一套6前速+/-半自動波箱，有唔錯反應同加速力外，原車既有電天窗、半皮半桃木軚環同波棍，重有白底表板同15吋合金胎軨組合，而車價卻由原來15萬9千8，下調至𠵱家12萬9千8咋！足足便宜成3萬蚊，自然較相若車價嘅1#.5公升家庭車，有更大號召力啦！