「牽涉法律嘅嘢我唔方便講，作為朋友都希望佢可以順利過渡，一切都要睇審判。」--謝霆鋒前緋聞女友趙學而望謝霆鋒順利。
「希望件事快啲過去，佢應該會冇事，都冇得擔心，霆鋒一定搞得掂，佢係好堅強嘅人。」--英皇藝人陳冠希認為謝霆鋒會冇事。
「我都幾擔心，希望佢冇事啦，現在咁敏感，畀我都唔想人騷擾，所以我唔會打電話畀佢。」--好友何韻詩擔心謝霆鋒有事。
「我覺得幾可惜，佢又唔係殺人放火，佢都係一時糊塗，咁樣等如判人死罪，小題大做咗一啲，雖然𠵱家未知點判，但都希望霆鋒樂觀啲，作最壞嘅打算，佢出嚟都係一條好漢。」--謝霆鋒的前度女友戴辛尉擔心謝霆鋒。
「聽到呢個消息我真係好愕然，我都唔知事情真相，所以唔方便評論。」--沈殿霞希望謝霆鋒平安無事。
「我同霆鋒係好朋友，今日收到咁嘅消息都有啲擔心，我當然希望佢可以冇事。」--謝霆鋒前度女友盧巧音表示擔心。