演藝學院一班初級舞蹈課程嘅學生家長，噚日踩上立法會議員申訴部，投訴演藝要「陰乾」呢個初級課程。點知八個當值議員中，馬逢國第一個申報利益：有個仔喺演藝「操Band」。第二個申報利益嘅就係胡經昌，佢係香港舞蹈團主席，又問如果演藝真係停辦課程，家長會唔會考慮香港舞蹈團。劉千石第三個申報利益，原來三十幾年前就同阮兆輝、羅家英一齊喺演藝搞實驗粵劇，𠵱家每年都會夾埋操吓曲。第四個申報利益嘅係鄭家富，佢有兩個女喺演藝學音樂。
其實重有一位不在場嘅議員，同演藝淵源重深，就係黃宏發，皆因發叔係演藝校董。班議員都話好佩服家長嘅熱心，齊齊話會問吓發叔同演藝，究竟有冇心搞好香港兒童藝術教育。
傳真︰2623-9278
電郵︰