鍾鎮濤昨凌晨在銅鑼灣登台，女友范姜以鬆身裙襯牛仔褲出現，她被問是否懷孕時，笑言阿B已有兩名孩子，阿B則探頭到其裙底以證她沒懷孕。
鍾鎮濤（阿B）昨日凌晨在銅鑼灣CityDancer登台，他的女友范姜、好友關之琳及男友黃家諾等都往捧場。
范姜昨日凌晨往現場為阿B登台打氣時，以一條鬆身裙子、下襯牛仔褲裝束出現，令人覺得她懷孕，對此阿B牽起女友裙底並探頭以證女友沒懷孕，他說：「係唔小心買咗呢件衫畀佢。」至於二人何時生BB，阿B說：「係都養掂屋企嗰兩個先，同埋等我嘅冇錢病好番先。」
范姜則說：「我唔係有BB，我哋已經有六個BB，分別係阿B兩個，屋企兩隻狗、兩隻貓同一千二百條魚。」
問阿B何以會選擇到這類場所表演，他是否急於賺錢來還債呢？阿B說：「我喺呢度唱過兩次，喺度唱只係賺有限錢唔係搵食。平時我都成日俾人搭膊頭叫我唱歌表演，都冇錢收，我不如落嚟唱密食當三番。」
對於是否等錢用，阿B抵死地說：「我等錢醫病，我患有『急性發錢寒』同『急性荷包乾硬化』。」
對於前妻章小蕙跟男友陳曜旻分手，阿B說：「唔知，唔理，唔好燒到我嗰叠。」章小蕙曾表示若再找男友，對方要像阿B一樣高大靚仔，阿B說：「唔好講畀我知，我受寵若驚。」
此外，裕泰興集團董事總經理羅守耀日前懷疑遭綁架，阿B說：「嗰個人冇事就好，就叫好彩，呢啲嘢少講為妙。而且綁架都輪唔到我，你估啲賊笨㗎，佢哋唔蠢㗎。」採訪：楊潔雯 攝影：仇志德