首位華人大律師、首位華人檢察官兼港大法律系創辦人余叔韶出咗第二本書，噚日喺中環歷山大廈一間書店舉行簽名會，連律政司司長梁愛詩、大律師公會主席梁家傑都慕名而來，乖乖排隊請余老簽名。
余老第一本書《與法有緣》八方都有買嚟拜讀，真係好有得着。今次呢本新書《法訟趣聞──雪廠街九號的故事》，由佢五一年任首位華人檢察官講起，一年後睇唔過眼法律界英國佬大晒，毅然辭職自己搵食，終於成為獨當一面嘅大律師。其實法律界憎英國佬者唔少，另一個例子就係李福善。所以講到回歸後嘅法治，余叔韶認為遠勝從前。
司徒世華攝
傳真︰2623-9278
電郵︰