【本報訊】謝霆鋒昨日正式遭廉署起訴，他前晚在其舊山頂道裕景花園寓所內，與一班好友包括陳奕迅、徐濠縈、梁漢文、蘇永康、何超儀及陳子聰等開派對耍樂，眾人玩至凌晨時分始陸續離去。
連日來都陪伴謝霆鋒看世界盃的梁漢文昨日表示：「大家睇波都睇得好開心，四哥同拉姑都有上過嚟一齊玩啤牌，四哥重扮千王之王羅四海派啤牌。」梁漢文被問到謝霆鋒昨日被正式落案起訴時表示：「我哋做朋友係互相扶持，我哋噚晚都一齊陪到佢瞓為止。」梁漢文指謝霆鋒前晚心情很好：「佢打麻將不知幾開心，都冇提呢件事，相信佢會冇事。」
陳奕迅昨在銅鑼灣為新戲舉行簽名會時表示，他不知道謝霆鋒已被正式落案起訴，他說：「我今朝打過畀佢，但唔係因為呢件事，只係朋友式問候，我唔知佢心情點呀，其實未必係咁大件事，只係人生過程，大家畀多啲空間佢啦。」被問到謝霆鋒今日正式過堂會否去聽審時，陳奕迅指着胸口說：「呢度得啦，無論乜事都會支持佢，希望大家都支持佢啦。」