前落選亞姐鍾秀嫻，今年初因為牽涉入一宗襲擊傷人案之中，現正保釋外出候查，本月底便要再上庭。鍾秀嫻早前被拘留在懲教署，她表示在那段日子簡直度日如年，是畢生難忘的經歷。
九三年落選亞姐鍾秀嫻、以及吳文忻、AmandaStrang、寇鴻萍、王薇、何佩儀和電影《六魔女》女演員梁愷庭（前名梁婉雯）等，前晚在尖沙嘴美麗華戲院出席新片《鬼水凶靈》的首映禮。
鍾秀嫻今年初牽涉入一宗襲擊傷人案，現正以五千元保釋外出，並不准離港，本月底再上庭受審。問到她的近況時，鍾秀嫻說：「我𠵱家拍緊一套內地投資嘅電視電影，我喺套戲入面要坐監。我呢排真係好黑，噚晚（大前晚）又唔小心撞車，重整到耳骨碎咗，瞓醒先知好痛，結果即刻去睇醫生。𠵱家我唔可以離港，或者會去大嶼山拜神。」
回想早前被拘留在懲教署的日子，鍾秀嫻說：「嗰十三日真係度日如年，我乜都俾人通晒，手續好詳盡，呢個經歷真係令我畢生難忘，希望可以大步檻過。我𠵱家唔可以離港，已經推咗三部戲，如果唔係賺埋啲錢就可以用嚟打官司。」鍾秀嫻表示她的代表律師謂勝訴的機會頗高，她說：「我之前坐咁多日，足夠懲罰。」
此外，吳文忻近日積極纖體，希望以最佳狀態示人，並成功簽下一纖體廣告。如果體態理想的話，吳文忻不介意穿三點式示人，她說：「我嘅目標係希望條腰可以由二十五吋，減到二十三吋。」
採訪、攝影：馮美茵