一提到「膽機」，相信好多人都會將佢列入發燒級音響行列，不過最近日本Panasonic，好似想將佢流動化兼且平民化！
唔好以為Panasonic呢部BbTUBE，只係一部平平無奇2DIN汽車Hi-Fi，此機最大賣點，係機面有一條非常搶眼嘅真空二極管，所以音效表現，真係隨時拍得住一般專業級「膽機」；BbTUBE可以作4聲道輸出（45W×4ch），基本播放功能包括有AudioCD同AM/FM收音機等！
不過較為特別的，反而是此機竟然可以對應播放MP3同CD-R/RW光碟，唔知經過壓縮處理嘅MP3音樂，同自己翻錄嘅CD-R/RW音樂光碟，經此BbTUBE一播，啲聲係咪都會靚啲呢？
記者：朱崇德