英格蘭被編入死亡之組，首場只能打和瑞典，今天將對宿敵阿根廷，雖然英格蘭有靚仔球星碧咸，但張文慈（圖）卻不看好英格蘭會贏波，反而睇好他們的死敵阿根廷，認為阿根廷絕對會贏波，因為她個人很欣賞這支球隊。
張文慈說：「我覺得阿根廷技術好、夠勤力，佢哋嘅球員有技術又有體力，但我就冇話特別鍾意邊個，以前我就鍾意馬拉當拿，𠵱家呢班球員，個個都好平均，所以我睇好佢哋會贏。而喺亞洲球隊呢，我覺得南韓唔錯喇。」
張文慈重覺得阿根廷可以贏兩球，英格蘭甚至不能入球㖭。張文慈說：「我估賽果係二比○，阿根廷贏，其實我冇話特別支持邊個球隊㗎，邊隊好波咪捧邊隊囉！」