鄭裕玲（嘟嘟）、楊千女華和陳奕迅（Eason）前晚出席《慳錢家族》首映。嘟嘟表示今次與Eason和千女華合作得很愉快，二人在拍攝時更十分準時，沒有遲到。
電影《慳錢家族》前晚在灣仔會展舉行首映，主角鄭裕玲（嘟嘟）、陳奕迅（Eason）和楊千嬅均有出席。嘟嘟更戴了一身名貴鑽飾，包括鑽石耳環、鑽石頸鏈、鑽石戒指和鑽石手表。記者問她全身的鑽飾價值多少，嘟嘟說：「我唔會記住啲價錢嘅，呢啲嘢我用過㗎，都唔係新嘢，我都係尊重個場合先至戴啫！」
嘟嘟曾當眾大聲指Eason出席無綫活動時遲到，今次嘟嘟和Eason合作，她表示對Eason的表現感到滿意，嘟嘟說：「陳奕迅冇令我失望，今次佢好乖，佢同千嬅都冇遲到。講對白時好多次我未笑，佢哋就笑咗出嚟，拍得都幾開心。陳奕迅冇亂講嘢吖，難得佢有真性情啫！曾志偉喺片場就成日瞓覺，冇人敢叫醒佢㗎，得我一個敢叫佢起身咋！」
Eason和楊千嬅對於前輩嘟嘟姐表現得必恭必敬，Eason說：「嘟嘟姐好好，冇傳聞中咁惡，我拍呢套戲好少遲到，最多都係遲五至十分鐘。嘟嘟姐冇話過我，同佢合作我都唔敢遲到啦，佢係我嘅榜樣，我亦好欣賞佢爽直嘅性格，有乜嘢唔滿意即刻講出嚟，我都係一個肯聽意見嘅人，我受教㗎！」
早前導演彭氏兄弟透露《見鬼》曾找過一歌影雙棲的女星做主角，但對方拒絕才找李心潔，楊千嬅被傳是該位女星。前晚千嬅否認此事，她說：「我冇推過戲，而且我係圈中少有唔介意執二攤嘅女星，𠵱家咁嘅巿道我點會推戲。」至於和鄭中基復合的傳聞，楊千嬅再次否認：「我哋只係朋友啫，分咗手有機會合作或者見面我都唔會尷尬，其實我有時遇到問題都會問佢意見，但復合就唔使啦。」
採訪：魯萍 攝影：陳慧安