有線播映世界盃，特別安排了九位WorldCupAngel穿上小背心和短裙，在講波現場增加氣氛。當中曾涉嫌被羅家英「鹹豬手」的詩詩，表示最喜歡英格蘭靚仔球星碧咸。
有線為催谷四年一度的世界盃，邀請了黎明主唱世界盃主題曲《衝鋒陷陣》，還安排一班藝人嘉賓羅家英、張達明、谷德昭和任達華搞搞氣氛。為了加強熱鬧氣氛，有線又安排了九位WorldCupAngel「世盃天使」助陣，她們每晚都穿上背心短裙，拿着草球落力打氣，令球迷睇波時更精神。
九位有線「世盃天使」燕瘦環肥，年齡介乎十七歲至二十四歲，充滿青春活力。當中還包括三位有線CATGirl，分別是冠軍黃美妍、亞軍張碧珊和季軍夏詩韻等。
日前有報道指羅家英在講波之際，因一時興起在鏡頭前拖着其中一位年僅十七歲的曾穎詩（詩詩），有「鹹豬手」之嫌，但羅家英卻否認其事。問詩詩捧哪一隊球隊，她日前說：「我支持英格蘭，因為多靚仔球員，好似碧咸同奧雲都好靚仔。」
而CATGirl黃美妍（May）就捧巴西，她說：「我最睇好巴西，因為佢哋球員啲腳法好犀利，球員方面，我就鍾意朗拿度，佢好型！我估巴西喺決賽會贏兩球。」May表示做「世盃天使」感到很開心，她說：「我絕對唔怕俾人博懵，點會咁猖狂。」
張碧珊（Tiffany）則說：「我支持英格蘭，最鍾意嘅球員係奧雲同碧咸，尤其碧咸踢罰球真係好靚，我估佢會喺決賽射十二碼險勝。」而夏詩韻（Maggie）就捧法國隊，她說：「佢哋成隊都好團結。」
採訪：比華利 攝影：陳志嵐