容祖兒在本月二十六日會為商台舉行拉闊音樂會，為了今次的個唱，她定下五個戒條，要求自己在個唱前要不夜睡、不乘公司車、不聽自己CD等，務求以最佳狀態演出。
容祖兒（Joey）於本月二十六日為商台舉行拉闊音樂會，昨日她在商台為音樂會舉行記者會，Joey對此音樂會相當重視，更為自己定下五道戒條，務求令自己在最佳狀態下演唱。
Joey表示：「我所定嘅五大戒條，第一條係唔搭公司車，等自己行多啲路嚟練氣；第二條就係唔再同公司嘅人一齊食飯，因佢哋太夜食飯，我唔想搞到夜瞓；第三條係戒大吵大鬧，因為要養聲；第四條就係戒地獄式減肥，而最後一條係戒聽自己嘅CD，不想聽得太多，影響自己唱歌太公式化。」
今次的音樂會，原本她是很想請師傅羅文來看，但她知道師傅可能需要休息，所以也不敢勉強，她說：「師傅（羅文）同我講，叫我轉告記者，𠵱家佢健康好好，遲吓會同大家見面，但希望大家唔好咁辛苦，日以繼夜喺佢屋企樓下等，咁樣搞到佢連窗都唔敢開，吸收唔到新鮮空氣就唔好，希望大家可以明白。」
本月十六日是容祖兒的二十二歲生辰，而二十日是父親節（編按：應為十六日），記者問她為何不選擇在這兩個日子才舉行拉闊音樂會，她說：「二十日我會同歌迷會聯歡，咁到時可能會慶祝父親節，雖然未到生日，但我已經收到幾份生日禮物，有一個男歌迷送咗一條佢屋企嘅門匙畀我，話叫我隨時可以去佢屋企。」