莫少聰早前接拍了一套內地電視劇《新天龍八部》，劇中扮演段譽後人段奇的他，為逃避丐幫弟子追殺，被迫扮女人掩人耳目，但聰仔表示嫌自己太肥，怕扮女人不夠神似。而「母性」大發的他，更收了同劇的小演員做契仔。
莫少聰早前在南京，忙於為內地電視劇集《新天龍八部》開工，可是才拍了四個多月，製作公司因技術問題，需要暫時停工，聰仔亦正好趁機休息。
在新劇中飾演段譽後人段奇的聰仔，因為殺了丐幫弟子被追殺，所以要扮女人掩人耳目。其實，聰仔早在拍攝電影《中國最後一個太監》時，已經試過扮花旦，今次在電視劇中扮古裝美人，聰仔還犧牲色相，露出香肩擺出誘人甫士，扮相維肖維妙。
問到聰仔扮女人的竅門時，他昨日在電話中說：「都冇乜特別，因為之前我都試過喺《中》片扮過女人。不過，我成日都覺得自己肥，怕扮女人唔夠神似，所以好想瘦啲，咁扮起嚟會好啲。」
此外，聰仔在劇中有一個內地童星扮演的小書僮，那位年約八歲的童星名叫程梟雄，十分精靈活潑。聰仔表示與梟雄合作得十分愉快，他說：「佢做戲幾好，我覺得佢好乖巧，我見佢咁可愛，就認咗佢做契仔。」
採訪：比華利