二十三歲的陳文媛昨日出席「倩碧」護膚品記者會時，表示自己再度發育，半年前開始長高三厘米，如今已經有一百七十二厘米，即約五呎七吋高，但她就不想上圍太豐滿。
陳文媛（BoBo）昨日為護膚品牌「倩碧」，宣傳新推出的「舒緩暗瘡修護系列」的記者招待會。BoBo昨日特別以綠色衣服襯「倩碧」的新產品顏色，並在記者會上協助講解新產品的功用。
BoBo說：「我係代言人，有新產品我都要出席，咁啱前日我下巴生咗粒暗瘡，我就即刻用支新產品，效果幾好。」
在記者會者上，BoBo還表示發現自己突然增高三厘米，她說：「之前我喺個活動度高，都係得169cm，點知最近自己喺屋企度就高咗3cm，𠵱家有172cm咁高。我諗應該係半年前開始高，但係唔知點解會無端端高咗。」
問BoBo其他部位有沒有增長，她說：「三圍冇增長，淨係向上發展，自己都好開心，就算我係瘦都係好精神，冇厭食。」
BoBo愈來愈瘦，令很多纖體公司卻步，她說：「我不嬲都係咁，畀人感覺唔係肥，通常瘦身公司都會搵啲三圍好平均、有線條嘅人，但係我又唔係，我骨瘦如柴，不過我𠵱家都好滿意自己嘅身形，好滿足啦！因為我都唔想自己身材豐滿同埋個胸太勁，𠵱家OK啦！」
採訪、攝影：楊潔雯