日本和比利時，得到佢哋喺世界盃歷史上第一分，可以話係全國歡騰，而各大電視台更播出唔同城市的球迷睇住日本落後追番，之後反先，但最後都係和波收場嘅歡樂與失望；更有球迷興奮得滯，喺球場看台跌落地，要送院治理。
收費嘅日本有線衞星電視係日本唯一播足全部六十四場世界盃決賽周嘅電視，而佢哋因為今次世界盃增加咗十一萬五千用戶；而前日重派出近十個宣傳女郎喺埼玉世界盃球場附近派宣傳單章，希望吸引更多客戶，標尾會。
阿仙奴領隊雲格上屆決賽周幫法國電視台做客席評述，今屆佢都趁呢個空檔𢱑銀，不過佢今次並唔係幫法國電視台講波，而去咗日本幫富士電視台講做技術分析，實行搵日圓，同佢一齊講波重有因病唔可以代表日本的前鋒高原直泰。