二十七歲的阿蓮，居於內地，一家五口以耕種維生，家境清貧。去年，阿蓮來港探親期間，不幸發現罹患急性血癌，生命危在旦夕。阿蓮旅港接受治療期間，已耗盡僅有的旅費在生活費上，經濟陷困，現寄居於鄉里家中。
臉容疲倦的阿蓮憂愁地說：「做完化療後，𠵱家每個星期要去醫院覆診三、四次，為咗避免感染細菌，每次覆診都要花幾百蚊搭的士；飲食方面要買啲營養奶粉補充，有時又要買醫療藥物洗傷口，咁多支出我邊度負擔得起，𠵱家成日擔心個病會復發同埋冇生活費，夜晚都失眠瞓唔着。」
「𠵱家身上呢幾百蚊，都係問朋友借，鄉下係以耕種為主，收入都好少，根本冇錢畀到我，我都好希望個病快啲好番，出嚟搵嘢做，唔使兩個老人家咁辛苦。」提及現時身處內地、年紀老邁的雙親，患急性血癌的阿蓮不禁悲從中來。
蘋果日報慈善基金了解阿蓮的生活苦況後，即時撥款四千元，助其支付往返醫院的車資及生活費。
捐款編號：C0330
暖流熱線
電話：29908688
傳真：23702192
電郵：
網址：