大律師公會前任主席湯家驊：「如果話要收銷售稅、減公務員人工，我就會揀賭波合法化！」
公共醫療醫生協會前任會長黎鏡堯：「點解可以賭六合彩、賭馬，唔可以賭波？賭波合法化起碼可為庫房帶嚟收益！」
中原地產董事施永青：「呢行嘅賭波風氣都幾普遍，總之蛇有蛇路！」
香港百貨商業僱員總會外務總幹事鄭乃恩：「同事由牙骹戰，發展至賭餐茶，甚至有錢銀上落，一啲都唔出奇！」
香港餐飲聯業協會會長伍德良：「好多人賭吓馬、賭吓波，呢個係現實，烏托邦式嘅社會唔係咁適合香港！」
貨櫃運輸業職工總會副主席謝浪：「貨櫃司機好多經常去深圳賭波，一千幾百上落好普遍！」
建造業總工會理事長蔡鎮華：「我哋呢行嘅後生仔會鍾意賭波多過賭馬！」