近年，MPV市場嘅競爭愈來愈激烈，各大車廠先後推出多款新車，以饗車迷；而領先（Lancia）亦唔例外，喺最近亦推出咗新款嘅Phedra，以求在MPV市場中佔一席位。
先從造型而言，Phedra圓渾嘅車身線條，響頗有神氣嘅頭燈及闊大鬼面罩襯托下，一股豪邁氣派完全表露無遺；而雙趟門設計亦能令乘客進出車廂時，變得更見方便容易。至於車廂布局方面，Phedra除與其他大型MPV一樣，空間來得充裕之餘，多變嘅座椅布局亦能迎合不同用家嘅需要；設備配搭又見齊全，用落十分方便。
另外，廠方更為用家提供多台引擎選擇，當中包括有2.0公升（馬力136匹），以及3.0V6（馬力204匹），用以驅動此車可謂綽綽有餘。