陳文媛（BoBo）（圖）自言一向對足球毫無認識，但四年一度的世界盃掀起一股睇波熱潮，她表示亦有因此多留意有關消息，對於今日舉行的葡萄牙對美國一仗，她就看好擁有猛將如世界足球先生費高、雷哥斯達、紐奴高美斯、干斯卡奧嘅葡萄牙隊會勝出。
BoBo說：「最近咁多人講世界盃，揭開報紙實有世界盃嘅新聞，我都有略略睇吓，我聽人講話葡萄牙實力高過美國，我諗葡萄牙會贏啩，唔知啱唔啱呢？」
BoBo表示相信葡萄牙會入兩球打敗美國隊，至於哪位球員會入球？BoBo說：「嘩，咁難估，係咪費高同雷哥斯達最多人識呀？我只係見過佢哋嘅相，其他都唔知有乜球員，可能佢哋會入球啦，因為唔係勁人都唔會見報嘛。」