徐子淇、蒙嘉慧及陳見飛等，昨日於銅鑼灣為化妝品牌Laneige擔任嘉賓，三人更即場由化妝師示範韓式化妝。
對於前度男友洪天明早前表示希望早日結婚生子一事，子淇說：「關我乜事呀？我唔知喎，佢要生咪搵個女人生囉，與我無關。」問子淇可有準備生日禮物給洪天明時，她說：「佢生日唔關我事，佢都冇請我，唔想再講佢啦！」
原打算出埠觀賞世界盃的徐子淇，因有工作在身而被迫打消念頭，問到她今次回港打算賺多少學費時，子淇說：「搵幾多都無所謂啦！媽咪會幫我儲起。」
此外，蒙嘉慧表示稍後會親往觀賞世界盃，更自言若有機會想加入女子足球隊，她說：「初入行嗰陣試過喺球場撩人鬥波，重俾人叫咗去守龍門。」
採訪：王崇穎 攝影：馬啟然