劉德華與中建的合作關係出現問題，昨日中建電訊主席麥紹棠否認禁制華仔公開演出，並回應華仔向天幕追討千五萬欠薪一事，指出糧事宜應由天幕行政總裁劉德華自己負責。而華仔則表示日內會採取法律行動，追討應得薪酬。
劉德華與中建電訊合作開設天幕電影製作公司，昨日有報道指中建近日分別向中國星、星藝影畫、無綫及Abba四間公司發出信函，禁制華仔與其他公司合作對外演出，甚至連華仔早前參與無綫公益金慈善活動，亦引起中建不滿。另一方面，華仔則表示天幕欠他一千五百萬元演出費，追討多時至今未有結果。
事情發展至昨日可謂峯迴路轉，中建昨日否認發出之信函是禁制華仔作公開表演，並表示信件內容其實是通知有關合作夥伴，華仔與天幕的經理人合約已於今年初終止，日後對方欲與華仔合作，毋須再透過天幕聯絡。
而中建電訊主席麥紹棠昨以事忙為由，授權公關公司徐小姐接受訪問回應有關事件。徐小姐說：「劉生已經唔係天幕旗下藝人，但佢重係天幕嘅行政總裁，必須履行同中建嘅股東協議。至於協議內容好複雜，劉生自己知。」
對於有傳中建打算正式入稟禁制華仔作公開演出，徐小姐否認有其事，並表示暫時不會有任何法律行動。
談到華仔表示天幕尚欠他一千五百萬元演出費，及追討多時不果一事，徐小姐說：「咁要問番劉生，我哋都係第一次聽。佢係行政總裁，負責睇住盤數同開check出糧，佢出糧畀自己㗎嘛，我哋都唔係好明囉。其實中建係好大嘅上市公司，天幕嘅投資對佢嚟講有如一粒豆，麥生（麥紹棠）從來都冇理到佢日常嘅運作，所以都唔明千五萬係乜嘢。」
據悉，劉德華雖身為天幕行政總裁，但因他與中建各佔天幕一半股份，故華仔可代表公司簽署支付的支票數額有一定限制，超過規定數額則必須由他與中建雙方聯署方能生效。
問到一千五百萬元會否超過華仔開支票的數額限制？徐小姐說：「中建喺天幕嘅股份比例係五十五十，佢係老闆，可以breakdown（分拆）條數嚟出糧㗎。總之佢講乜嘢都冇所謂，唔等於中建有欠佢錢，我哋要將盤數由頭到尾睇一次先知，一切嘢應該以法律為依歸。佢有任何問題，都可循法律途徑去做。」
另一方面，華仔昨日接受電話訪問時說：「好簡單，成盤數就喺度，如果佢哋重係唔清楚，我日內就會採取法律行動向佢哋追討。」華仔又表示暫時不會另覓經理人或成立經理人公司，他說：「有人想搵我做嘢，可以直接聯絡番我。」
採訪、攝影：蔡如玉