昨日陳冠希（Edison）到新城電台接受《聯Fan所》訪問，對於昨日首度入圍世界盃的國足隊，首場賽事捧蛋輸給哥斯達黎加，Edison笑說：「都無所謂，入到世界盃已經好好，𠵱家都係第一場啫。當然我都希望佢哋會贏啦，我重專登着咗件紅色衫支持佢哋。」
此外，羅家英與任達華兩位有線節目主持，昨日均整裝待發欣賞國足隊的首場賽事。賽後家英哥表示輸少當贏，他說：「中國隊比我想像中好好多，我原先希望佢哋喺下半場可以入一球或者射個十二碼，不過佢哋都好有體育精神。」
而任達華則坦言對賽果感失望，但表示對國足隊前景感樂觀，他說：「繼續努力，贏輸唔重要，希望中國隊喺二○一○年可以同巴西隊爭冠軍，我對佢哋嘅教練米路好有信心。」
採訪：馮美茵、駱華齡
攝影：林德雄