章小蕙前晚接受商台《戀上你的床》訪問，她表示自己是一個感性的人，不是性感的人，並形容自己是勤力和多愁善感的寫作人。
章小蕙說：「床我就最鍾意，不過只係用嚟瞓覺啫！喺性呢方面，我冇乜大膽嘅嘢可以講。我𠵱家單身，追求我嘅男士大部份分為兩種，一種係有錢但想借我嚟出名，另一種係窮但真係對我有意思。我自己嘅擇偶條件一直冇變過，就係要百分百對愛情專注。」
裕泰興是章小蕙的大債主，對於裕泰興老闆羅肇唐的孻仔羅守耀懷疑成綁架目標一事，章小蕙說：「有記者打過電話問我呢件事，我只係回應咗兩句，我話個綁匪係咪要二億幾，𠵱家係咪懷疑我涉嫌係幕後嘅主腦吖？」
採訪：魯萍