【本報訊】中國隊的魅力何在？很難說，可能是世界盃初哥、可能是中國人、可能是米路天奴域或者是一班球星如李瑋峰、李鐵、范志毅等的魅力，但就一定唔係球技。
無論如何，昨日吸引不少上班一族「犯險」，「偷雞」去睇「中哥」大戰。就以銅鑼灣V-MIX卡拉OK為例，該店在那個時段就有九十間大大細細的房間（總共有百五間）被用作睇波房。人客九成九是西裝友，大部份人捧中國隊的原因是那份無得解的「中國情意結」。而選擇卡拉OK房睇波是「貪佢夠隱蔽」，所以連店內職員都話睇波客的數目比預期多；難怪出現因職員人手不足而令球迷乾等飲品多時。
除了入房睇波外，單身客就揀大堂，吸引處是有一部一百二十吋大螢幕，座位約二十五個。昨日所見，不少過路人亦駐足在大門外免費欣賞「中哥」一戰。