喺公益金活動，八方見到當紅炸子雞田北辰，佢好緊張問八方中哥大戰賽果如何？聽到中國輸咗，就好肉緊咁叫慘，田二少承認自己盲目捧中國隊，又話自己只睇大賽，好似睇電視劇集，只睇大結局一樣；之前有乜劇情，佢完全唔知頭唔知路。
點解？因為大比賽氣氛好喎，不過，之前佢都有專程去澳門睇中葡熱身賽，田二少當時已覺得中國隊防守好啲，但係唔夠氣，下半場死梗。
另一個球迷恒生陸觀豪就話「呢個月世界盃大晒」，所以冇法唔冷落新婚嬌妻。
至於點解成日唔見佢嬌妻，佢話老婆收唔埋嘅，遲吓會畀大家睇。至於中國噚日嘅表現，佢話唔輸三比○已值得慶祝。
傳真︰2623-9278
電郵︰