呢輪，平治嘅新車攻勢可謂一浪接一浪，繼新款E-Class同CLK房跑車之後，今勻都應該會係早前亞Mark曾提及過嘅Smart城市MiniCar。之不過，近排未見平治代理有任何動作，聽班車行嘅朋友講，話Smart響歐洲並不歸納於平治旗下販賣，而係獨立以專門陳列室銷售嘅緣故，或許香港亦會以呢套模式替Smart包裝，會另外搵Showroom，待裝修好後始給Smart開售都唔定。諗落又好啱喎，正如新一代MiniCooper亦不納入於寶馬車系之內，以獨立陳列室發售；聽聞MiniCooper有自己嘅Showroom之後，銷量重持續上升，始終有自家嘅專門店，會凝聚到一份吸引力，令車迷有更高嘅購買意欲呢！