好多人話上海勢將超越香港，八方初初唔信，但愈嚟愈信。噚日，上海實業公司頒獎學金畀十四位本港大學生，每人二萬五千元。董事長蔡來興親自出席典禮，勉勵學生「要有創新精神」、要「自強不息」；上實又請班精英學生即場講講自己以邊個成功人物為奮鬥目標，有人話係牛頓，有人話楊致遠，亦有詹天佑、熊十力、朱經武、海倫凱勒。其中有一位竟然話係「《蘋果日報》創辦人黎智英」。
學生仔唔識世界，未必知上實係直屬上海市政府嘅窗口公司，難得上實百無禁忌，不但冇「姑隱其名」，重出埋新聞稿。人家上海愈嚟愈開放，我哋愈嚟愈自律，慌死政治不正確，點同人哋競爭呢！
傳真︰2623-9278
電郵︰