今年七月一日回歸五周年，煙花滙演就梗係唔少得，今次由香港青年聯會獨家贊助，改個主題名就梗係年輕啲，叫做「燃點青春耀香江」。港青聯話，煙花滙演歷時二十三分三十秒，分為十一幕，每一幕嗰主題都同香港嘅歷史有關，例如「天地初開、山動地搖」；「清末民初」；「鴉片戰爭」；「英國奪取香港」；「香港六十年代，英國文化入侵香港」……最後一幕，唔使八方講，大家都估到，梗係「回歸祖國五周年」啦！真係政治正確喎。至於第九幕，就公開徵求主題名稱，有興趣者不妨打電話（25989385）畀啲意見。
聽到呢啲名，係咪有啲似中學嘅歷史課？不過，背景音樂不乏大家熟悉嘅樂曲，好似《男兒當自強》、《獅子山下》、《英雄出少年》，唔知到時係咪可以帶起市民嘅民族情緒嘞！
（圖）煙花滙演做出回歸五周年圖案。 電腦模擬圖片
傳真︰2623-9278
電郵︰