到世界盃球場睇波，除膚色可以分到你係幫邊隊打氣、支持邊隊之外，身上所穿嘅衫啲顏色到都係一個記認，重有一種無形力量㖭。
雖然南韓今日都有比賽，主色亦係紅色，但對光州市民來講，六月四日的紅色是代表中國，小記特別着一件紅衫，本來只係希望採訪方便啲，估唔到重可以得到當地人款待，的士司機攞住本韓中繙譯會話，用普通話同你講「你好」、「多謝」，又講中國隊「一定勝」；球場內外女球迷就畀你任影唔嬲，球場工作人員又自動用普通話同你打招呼，適當時候着件適當顏色嘅衫，果然有意外收穫！
中國人的確有很多惡習，淨係隨地拋垃圾教咗幾十年都改唔到，但今日喺球場外真係唔多見有垃圾，間中只係見到有人丟煙頭，好似有啲進步；話晒到人哋國家睇波，作為中國球迷代表，畀人嘅印象都非常緊要。
其實，中國可以參加世界盃決賽周，除球員得益之外，球迷都可係得益者；始終有機會同外國球迷接觸吓，了解國際足球文化，對提高國內足球文化有極大幫助。