最近福士車廠於一大型車展上，展出咗全新嘅GolfR32；雖然新車造型大致上與現有其他Golf相近，但換裝上一套18吋跑車合金胎軨，以及一台3.2公升V6引擎，所迸發出嘅241匹馬力，卻令新車予人有濃厚嘅跑車味道。
雖然呢部新版GolfR32嘅造型沒有太大改動，但改換四輪18吋跑車合金胎軨、雙出式排氣喉及跑車避震後，一派高性能跑車形象完全表露無遺；車廂內亦以黑色真皮襯以電鍍裝飾，望落夠晒突出吸引外，承托力甚豐嘅座椅及把持十足嘅真皮跑車軚環，亦屬車廂裝備之一。然而，呢部GolfR32用上一台3.2公升V6引擎作動力核心，馬力輸出為241ps/6250rpm，而32.7kgm嘅扭力輸出峯值，則於2800rpm時發出，難怪新車嘅0至100公里加速度，需時僅為6.4秒，而極速更可高達245km/h啦。而一套高性能制動組合，亦能予人有收放自如之感㗎。新車預算於今年秋季前推出，未知香港代理有無興趣將之引入呢？有興趣嘅車迷不妨拭目以待喇。