消暑AV產品夏日扺價誘惑

消暑AV產品夏日扺價誘惑

踏入6月,相信好多大學生都已經考試「勁過」!如果想去旅行,當然最好有部DC或DV機,用嚟影吓靚相同拍吓Video!如果決定留港消費,相信一部優質DVD機就絕對唔少得!最近旺角有AV舖搞咗個「暑假必買AV產品勁減」,全部都係呢類年輕人至愛AV產品,買嚟去旅行或者要嚟煲碟,絕對係消暑妙品!

記者:朱崇德 攝影:陳盛臣

細如八達通
334萬級DC
KYOCERAFinecamS3是半年前的新機,曾挾着全球最細334萬像素級數碼相機的威名抵港,其細如八達通的Size(80×55×30mm)同160g的重量,最啱放喺褲袋周圍影SnapShot。
S3備有2倍光學變焦(另加兩倍數碼變焦),亦即相等於傳統35mm相機的38-76mm焦距範圍(f/2.8-f3.5)。機身配置自動拍攝模式,不過諸如多區分割測光、中央重點測光、點測光、閃光燈及白光平衡等,都可以隨意讓用家調校。儲存媒體用SD/MMC記憶卡,電源用可循環使用的充電池。

TouchScreen
搞鬼入門機
PDR-T10行貨到港只係兩個月左右,唔好理日本嗰邊有幾熱賣,喺香港亦一樣照冧價。它是一部210萬像素的入門級數碼相機,走Trendy路線,機身功能非常搞鬼,可如玩手機般換機身面殼,跟機送兩個畀你玩。
操控按鍵非常簡潔,因為機背有一個1.6吋TouchScreen,大部份功能選項都可以喺螢幕搞掂,好有PDAFeel!記憶媒體使用了日漸流行的SD/MMC記憶卡,電源是方便易買的AA電池,可惜只備有4倍數碼變焦,光學變焦完全欠奉!不過機價定喺$1,780嘅入門級超低價,送畀女朋友做禮物就一流!

5路揚聲器
DVDHi-Fi
如果聲效想玩High啲,PanasonicSC-PM08會係一個唔錯嘅選擇,基本前置三路,及後置左右喇叭樣樣有齊,再加上SuperSurround環迴立體聲效果,音效真係幾震撼!兼容光碟制式分別有DVD、VCD同AudioCD等,重內置埋AM/FM及卡拉OK等功能,畀多少少錢都值。

新款DV機
震撼價$3,980
唔過4千蚊買到部DV機,相信是業界的新低價,更吸引是CanonDM-MV500是一部出咗幾個月的新機款,感覺更加抵買。此機最強是備有18倍光學變焦同360倍數碼變焦,重內置影像制式轉換功能,可以將舊式模擬視頻影像,轉換成數碼影像並錄在DV帶上,一機幾用好抵玩。

模擬三維環迴立體
DVDHi-Fi
SANYODC-DVD888是一套慳位兼慳錢的DVDHi-Fi組合,主機長度只有19cm,機面設計非常簡約,玩齊DVD、VCD、AudioCD同CD-R等多種光碟制式,放喺睡房或宿舍就至啱!此機強處是加入了SANYO自行開發的2-CHVirtual3DSurround功能,即是可以用兩個喇叭模擬出三維環迴立體效果,連最流行的DolbyDigital及dts都玩齊,勁冧價$1,550,買部MiniHi-Fi都要呢個價錢啦。

AIWA旗艦級5.1
DVD影院組合
XR-DV700HR係AIWA去年的旗艦級5.1DVD影院組合,此機以設計同靚聲為賣點,全透明玻璃碟門,配以鏡面機面同圓拱形機腳,絕對是講求生活品味之作。5個衞星喇叭,每個均可達37W的強大輸出,加上68W的強勁Sub-woofer,真係間屋細啲都俾佢炸散!對應光碟制式分別為DVD、VCD、AudioCD及CD-R/RW等。

店舖:華仁會
電話:23980280
地址:旺角花園街75-77號花園商業大廈6樓