細車當旺，加埋今年日本豐田車廠無乜大製作，因而造就咗佢哋嘅全新ist成為眾矢之的，備受車迷注目。雖然早前香港代理改口風，話考慮引入呢款新一代CityRV，但至今仍未有新動向，而一直進取嘅日本水貨車行，就經已有首批全新ist抵埗；早兩日亞Mark行開灣仔，無意中見到部豐田ist嘅真身，又真係幾有瞄頭噃！部車大玩時代感同剛性一面之餘，重有點兒酷似新一代嘅MiniCooper㖭！可能係因為日本人對Mini狂熱嘅關係，豐田嘅設計師亦巧妙咁留下些許筆迹啩！首度來港嘅ist，係用上一台跟同廠Echo一樣嘅1.3公升直4引擎（馬力輸出為87匹），兼有平均18.0km/L嘅低耗油量外，睇落車廂重好闊落噃！