羅康瑞在上海搞嘅「新天地」，經中外傳媒大事推介後，經已成為上海一個熱點。在該處除咗會撞番久未見面嘅老朋友外，亦隨時會發覺有明星擦身而過，甚至可能俾你見到部長─—唔係茶樓部長，而係真正嘅中國部長。
話說最憎人叫佢「上海首富」嘅周正毅，上周請咗唔少基金經理、證券經紀同傳媒北上。大家飲完佢餐酒，去搵餘興節目時，喺新天地，突然有人叫出聲來。原來羅嘉良響身邊行過，飲完嘢走嘅時候，又見到近幾個月非常紅嘅外經貿部部長石廣生。原來佢在上海主持「上海合作組織成員貿易部長會議機制」之起動會議。石部長聞新天地大名，亦忙裏偷閒嚟睇吓。
傳真︰2623-9278
電郵︰