經常發表豪情壯語嘅東亞銀行主席兼行政總裁李國寶，之前接受內地《和訊財經》訪問時，做咗個預測。佢話到二○二○年，港人可能已全部用人民幣。
點解寶哥哥咁大膽做咗咁嘅假設？佢覺得，一個國家唔可以長期有兩種貨幣，雖然港元可以用到二○四七年，但佢諗二○二○年，已可能轉晒用人民幣。
佢重話，香港要發展為中國嘅外滙中心。𠵱家中國銀行同埋工商銀行都已經將個外滙交易部門設喺香港。寶哥哥認為香港政府應該鼓勵或畀啲優惠，等啲內地國有商業銀行，將啲外滙儲備拿來香港交易。
傳真︰2623-9278
電郵︰