助理局長奉旨睇鹹片 - 李八方

  助理局長奉旨睇鹹片 - 李八方

噚日喺立法會《防止兒童色情物品條例草案》委員會上,有議員話自己都可能藏有一啲有關兒童色情嘅光碟。吓!堂堂議員竟然睇啲咁嘅嘢?!原來唔係,話說劉健儀喺會上話,例如電影界嘅馬逢國同資訊科技界嘅單仲偕,可能基於工作,而有啲類似嘅光碟。如果政府立法時唔清晰咁訂明擁有兒童色情物品嘅定義,可能會有人無辜被檢控。
保安局首席助理局長尤桂莊話,為咗立法時能顧及更多範疇,曾經睇過一啲幼稚園生做主角嘅色情電影,睇完覺得好核突。今次真係難為了局長啦!
另外,八方知道,警方最近喺一次配合全球執法機構嘅行動中,首次發現本地有電腦網絡販賣兒童色情物品。


傳真︰2623-9278
電郵︰politics@appledaily.com