夏天一到，相信唔少朋友已急不及待來個下水禮，有冇諗過喺水中影張靚相留作紀念？喺水中攝影可以話係另一種樂趣，識潛水影珊瑚當然過癮，就算唔識的話，影吓朋友嘅泳姿一樣好玩，就等我哋睇吓市面流行嘅三大水底相機，喺水中表現如何。
記者：張穎倫
攝影：陳穎
ImageGirl：Kiji
平時用儍瓜機，周圍光線夠，就算觀景器細啲都可以將就吓，但落到水戴埋泳鏡就好難使用。所以呢部APS水底相機就採用特大觀景器，能令用家睇得清清楚楚，絕對抵讚。呢部機最近拍攝距離只需0.45m，水底相機中算係數一數二，用嚟影珊瑚最正。
鏡頭：23mmf4.8
拍攝範圍：0.45m-無限遠
可潛深度：15呎
售價：$1,420
（shop-canon）
無可否認單論水底嘅拍攝質素，呢部機明顯贏晒，夠清晰之餘，光暗對比亦相當之靚，注重質素嘅拍友最啱。
精打細算嘅朋友可能都會想買一部既可以落水拍攝，又可以拍攝日常生活照嘅輕便相機，實行一物兩用。所以呢部機就放棄一體化嘅設計，落水時套上防水盒，便可在50呎水深中使用，平日使用時就可將防水盒拆除，變成一部體積小巧嘅儍瓜機，唔會大大部。而且呢部更係少數採用135菲林嘅水底相機，比其他APS水底相機更方便，沖曬時慳番唔少沖曬費！
鏡頭：29mmf5.6
拍攝範圍：1.5m-無限遠
可潛深度：50呎
售價：$580
（李士有限公司）
唔少水底相機都比較大部，除咗落水外平時都好少使用，但呢部機採用可拆式設計，淨機一樣細細部，更有29mm嘅WideAngle鏡頭，影SnapShot都啱用。
拍攝景象雖然有少少微粒，但以水底相機嚟講已算OK。而且有埋Zoom嘅功能，令水底拍攝更方便，攝影哥哥都大讚慳番唔少力。
小記一向贊成用定焦相機影相，貪佢光圈大質素比唔少變焦機靚，但講到水底相機就情況有變。事關喺陸地上就話可以行近兩步影，但落到水游近啲都隨時嚇走條魚，而且一邊游水一邊揸機都幾難控制。所以呢部機備有30-50mm變焦功能，喺防水相機嚟講確實罕見，絕對可以抵銷用APS菲林嘅缺點。
鏡頭：30mmf4.0-50mmf6.4
拍攝範圍：0.53m-無限遠
可潛深度：30呎
售價：約$2,100
（各大相機店）
拍攝景象雖然有少少微粒，但以水底相機嚟講已算OK。而且有埋Zoom嘅功能，令水底拍攝更方便，攝影哥哥都大讚慳番唔少力。
今時今日唔少人都鍾意利用數碼相機拍攝後，再用電腦將景物、人物Key嚟Key去，但過程始終繁複，執相又唔易執得靚，唔夠方便。不過呢部全球首創嘅雙重曝光寶麗來就易玩得多，透過雙重曝光掣，只要你將希望Key埋一齊嘅景物分別曝光，就可以隨時將不同景物Key埋一齊，即影即有完全唔使等。
鏡頭：106mmf14
拍攝範圍：0.6m-無限遠
售價：約$480（永成）
＊預計6月中有售
首先我哋影完左邊嘅Kiji，之後再叫Kiji企去右邊，再影多次先印出相片，就自然做出Key相效果，全程唔使3分鐘。畀個貼士大家，想影得靚最好利用腳架輔助，以及在室內或夜晚拍攝。
呢部機雖然唔可以喺水中拍攝，但防水性能都算唔弱，就算大雨都一樣應付自如，而且更可用水喉直接清洗，最適合喺雨天或在沙灘拍攝時使用。功能上有齊防紅眼、廣角拍攝、變焦等多種功能，拍攝質素亦較一般防水相機靚。
鏡頭：38mmf4.5-95mmf10.5
拍攝範圍：0.65m-無限遠
售價：約$1,480
（各大相機店）
售賣點：
李士有限公司（23983778）
旺角雅蘭酒店商場地下G15號舖
MINOLTA
查詢電話：28107278
shop-canon陳列室（21702970）
尖沙嘴東部麼地道61號冠華中心10號地舖
PENTAX
查詢電話：29262316
永成（23966886）
旺角西洋菜街57號地下