富有柿產期分兩季，夏、冬都可以搵到佢，所以家陣見到嘅話一啲都唔奇。不過大家又可知道原來冬天同夏天搵到嘅富有柿係有少少分別㗎！就等我話你哋知啦。冬天嘅富有柿嚟自日本嘅居多，而家陣搵到嘅主要係嚟自澳洲及新西蘭，Size較日本貨略大4，售價相對亦略貴3，所以冬天食到嘅日本富有柿可能只要五個幾一個，𠵱家搵到嘅要十蚊個，唔係價錢貴咗，而係品種唔同啫，大家要清楚呀！
$10個 部份果檔有售
端午節好快就到，除咗自己包糭，我都鍾意試吓外邊新口味嘅糭。今次就俾我見到呢隻新出嘅XO醬牛肝菌肉鬆糭，佢用咗雲南一種叫牛肝菌嘅菇嚟做。呢種菌類個樣都幾得意，肥肥厚厚似牛肝，味道好鮮美，加埋香辣瑤柱XO醬同泰國豬肉鬆做餡，整體味道夠惹味。
$48/盒（2隻）
銷售點：聖安娜餅屋
文：肥師奶