武俠電影大導演張徹早前因身體不適被送往將軍澳醫院診治，昨仍在醫院休養，其徒弟羅網及導演張同祖分別前往探望。
羅網逗留約半小時離去，他表示張徹精神很好，師徒二人以書寫作溝通，羅網說：「師傅食錯嘢同感親吓啫，佢以前係英雄，夾親手指都唔叫一聲㗎，一路都冇病痛。不過老人家小病是福，𠵱家病吓，冇乜事啦，精神好好，下星期應該可以出院。」
羅網續說：「我本來噚日要嚟，點知我老竇噚日跌親，撞爆個頭，我陪咗佢成日，𠵱家都重要去探佢。」
導演張同祖昨日探望張徹後說：「佢以前同我哋溝通不嬲都係用手寫，佢肺積水要抽水同抽痰，佢已經冇事，重好好胃口。」
採訪、攝影：蔡如玉