周嘉玲前晚往灣仔出席香港國際學校舉行的第三屆周年舞會，她公布已在名店「上海灘」上班兩周。伊人再次表示自覺幕前工作搵錢不長久，寧願把時間投資在將來的時裝事業上。
周嘉玲、新昌集團主席葉謀遵的媳婦葉梁美蘭和盧高靜芝母女等人，前晚在灣仔君悅酒店出席由香港國際學校舉行，主題名為「萬千歡欣」的三周年舞會。
穿上由連卡佛代理的澳洲品牌EastonPearson服裝出席的周嘉玲，早前曾透露有數份關於時裝的工作等她抉擇，前晚伊人正式宣布她已在名店「上海灘」上班兩星期，擔任顧問一職。
周嘉玲表示這份新工亦是她以自薦形式獲聘的，她說：「月中公司嘅一個旗袍活動上，我會着旗袍出現，呢次係我自九一年選港姐後再次着旗袍，心情都好緊張。」
開展新工作的同時，周嘉玲表示剛巧有一部電影斟她演出，她說：「呢套戲嘅製作班底好強，不過因為我同佢哋喺時間上傾唔埋而推咗。佢哋要求好多日班戲，同我返工嘅時間撞晒，我惟有作出選擇啦，而且我覺得拍戲搵嘅錢始終係唔長久嘅，倒不如珍惜有將來嘅機會啦。」
最近有報道指周嘉玲與吳彥祖曾有一段情，但由於吳彥祖不認真，令這段姊弟戀告終，周嘉玲前晚對此否認說：「完全冇啲咁嘅事，我同吳彥祖一啲都唔熟，傳出啲咁嘅新聞，我都戥佢無辜。」
此外，新昌集團主席葉謀遵的媳婦葉梁美蘭前晚以一件購自中環蘇豪區的古着長裙亮相，她透露女兒將入讀香港國際學校的小一，她說：「我除咗湊女忙之外，一個禮拜重要返去佢間學校三日，幫手做助教㖭。」
採訪:RitaLeung、JessicaNgan
攝影:LoTakKwong、EdwardChou